ஸ்மார்ட்போன்களின் வருகையால் நாம் தொலைத்தவை
ஒரு விடயம் இல்லவே இல்லை, அதனால் அதை யாராலும் பயன்படுத்தவில்லை என்றால் அது அழிந்து விட்டது என்று அர்த்தம். ஒரு விடயம் இருக்கிறது, இருப்பினும் அதை யாரும் பயன்படுத்தவில்லை என்றால் – அது தொலைந்து கொண்டிருக்கிறது என்று அர்த்தம்.
அப்படியாக ஒரு காலத்தில் நம்மால் பெருமளவு பயன்படுத்தப்பட்ட குறிப்பிட்ட 12 பொருட்கள் தற்போது துளி அளவு கூட பயன்படுத்தபடவில்லை. ஆனால் அந்த 13 பொருட்களுக்கு மாற்றாக நாம் ஒரே ஒரு பொருளை பயன்படுத்துகிறோம் – அது தான் ஸ்மார்ட்போன்.!
ஸ்மார்ட்போன்களின் வருகைக்கு பின் நாம் தொலைத்த சில பொருட்களைத்தான் கீழே தொகுத்துள்ளோம்!
லேன்ட்லைன்கள்
மொபைல் பரவலான காலத்திலேயே காணாமல் போய் விட்டன. ஸ்மார்ட்போன் காலத்தில் சொல்லவே வேண்டாம்.
ஜிபிஎஸ் கருவி
ஸ்மார்ட்போன்களில் ஜிபிஎஸ் மிகவும் எளிமையாக்கப்பட்டு விட, ஜிபிஎஸ் பயன்பாட்டிற்காக மட்டுமே உருவாக்கப்பட்ட கருவிகள் காணாமல் போய்விட்டன.
பே-போன்கள்
ஒரு ரூபாய் நாணயம் போட்டு பேசக்கூடிய போன்களை தற்போது காண்பதே அரிதாகி விட்டது.
அலார கடிகாரங்கள்
நம் ஸ்மார்ட்போன்கள் தான், தற்கால பிரதான அலாரம் என்பது நாம் அனைவரும் அறிந்த ஒன்றே.
வாய்ஸ் ரெக்கார்டர்ஸ்
குரல் பதிவுகளையும் ஸ்மார்ட்போன்கள் எளிமையான முறையில் நிகழ்த்துவதால் வாய்ஸ் ரெக்கார்டர்கள் காணாமல் போயின.
டிஜிட்டல் மியூசிக் ப்ளேயர்கள்
ஆப்பிள் இன்றுவரை ஐபாட்களை உருவாக்கினாலும் கூட, இசை கேட்க ஸ்மார்ட்போன்கள் தான் பெரிதளவும் பயன்படுத்தப்படுகின்றன.
கல்குலேட்டர்கள்
ஒரு பட்டனை தட்டினால் போதும் ஸ்மார்ட் போனில் கால்குலேட்டர் வந்து விடும்!
மேப்கள்
கூகுள் மேப்பின் வருகைக்கு பின் ‘மேப்’ புகைப்படங்களை அரிதாக எங்காவது தான் காண முடிகிறது.
டிவிக்கள்
நிஜம்தான் டிவியும் தொலைக்கிறது, 3 மணி நேர திரைப்படங்களை கூட நம்மவர்கள் ஸ்மார்ட்போனில் தான் பார்க்கிறார்கள்.
ஸ்கேனர்கள்
பிடிஎஃப் (PDF) ஃபைல் களை பரிமாறிக் கொள்ள ஸ்மாரேட்போன்கள் வழி வகுத்த பின் ஸ்கேனர்கள் காணாமல் போயின.
கேமிராக்கள்
குறைந்த பட்சம் 0.3 எம்பி என தொடங்கி, அதிக பட்சமாக 42 எம்பி கேமிரா வரை ஸ்மார்ட் போன்களில் இருக்கும் போது, தனியாக ஒரு கேமிரா தேவைப்படுவதில்லை.
வீடியோ கேமிராக்கள்
புகைப்பட கேமிராவை போலவே தான் வீடியோ கேமிராவும் அதிக பயன்பாடு இன்றி காணாமல் போய்க் கொண்டே இருக்கிறது.
