விஷால் படத்துக்கு வேட்டையன் தலைப்பு இல்லை

f20fa863-6d8f-45c0-9a5f-f2697dce5dff_S_secvpfவிஷாலும் சுசீந்திரனும் இணைந்த ‘பாண்டியநாடு’ வெற்றியடைந்ததை அடுத்த தற்போது மீண்டும் ஒரு புதிய படத்தில் இணையவிருக்கிறார்கள். இந்த தகவல் உறுதி செய்யப்பட்டதை அடுத்து, தற்போது, இந்த படத்திற்கு ‘வேட்டையன்’ என்று பெயர் வைத்திருப்பதாக இணையதளங்களில் செய்தி வெளியானது.
இதனை படக்குழுவினர் மறுத்துள்ளனர். விஷால்-சுசீந்திரன் இணையும் படத்திற்கு இதுவரை தலைப்பு வைக்கவில்லை. தலைப்பு தேர்வானதும் உடனடியாக அறிவிக்கிறோம் என்று தெரிவித்துள்ளனர்.
‘வேட்டையன்’ என்ற தலைப்பை ஏற்கெனவே இயக்குர் பி.வாசு பதிவு செய்து வைத்துள்ளார். அவரிடம் அனுமதி கேட்டபோது, இந்த தலைப்புக்கு பெரிய தொகை கேட்டதால் இப்படத்தின் தலைப்பை கைவிட்டுள்ளதாக கோலிவுட் வட்டாரங்களில் கிசுகிசுக்கப்படுகிறது.
இப்படத்தில் விஷால் போலீஸ் அதிகாரியாக நடிக்கிறாராம். இவருக்கு ஜோடியாக காஜல் அகர்வால் நடிக்கிறார். டி.இமான் இசையமைக்கிறார். வேந்தர் மூவிஸ் தயாரிக்கிறது. ஏப்ரல் முதல் வாரத்தில் படப்பிடிப்பை தொடங்க முடிவு செய்துள்ளனர்.

Leave a Reply

Your email address will not be published.