சகாப்தம் ஆடியோ ஜன 31-ல் வெளியீடு: காதலர் தினத்தில் படம் வெளியாகிறது

b644b9e1-3a7e-4d0a-84f2-878b9e9a0ece_S_secvpfநடிகரும், தேமுதிக தலைவருமான விஜயகாந்தின் இளைய மகன் சண்முக பாண்டியன் அறிமுகமாகும் புதிய படம் ‘சகாப்தம்’. இப்படத்தை சுரேந்திரன் என்பவர் இயக்கி வருகிறார். நாயகியாக நேஹா ஹிங் நடித்து வருகிறார். கார்த்திக் ராஜா இசையமைத்து வருகிறார்.
இப்படத்தை கேப்டன் சினி கிரியேஷன்ஸ் சார்பாக எல்.கே.சுதிஷ் தயாரித்துள்ளார். சகாப்தம் படத்தின் படப்பிடிப்பு முடிவடைந்துள்ள நிலையில், இதன் ஆடியோ வெளியீட்டை வருகிற ஜனவரி 31-ந் தேதி வெளியிடப்போவதாக அறிவித்துள்ளனர்.
இந்த இசை வெளியீட்டில் தமிழின் முன்னணி நடிகர்கள், மற்றும் சினிமா பிரபலங்கள் பலர் கலந்துகொள்ள இருப்பதாகவும் அறிவித்துள்ளனர்.
இதைத் தொடர்ந்து வருகிற பிப்ரவரி 14-ந் தேதி காதலர் தின கொண்டாட்டமாக படத்தை வெளியிடப்போவதாகவும் அறிவித்துள்ளனர்.
இப்படத்தின் படப்பிடிப்பை இந்தியாவிலும், வெளிநாடுகளில் படமாக்கியுள்ளனர். சமீபத்தில் இப்படத்தின் மோஷன் போஸ்டர் மற்றும், சிங்கிள் டிராக் வெளியானது குறிப்பிடத்தக்கது.

Leave a Reply

Your email address will not be published.